omak ku Simalungun bapaku Toba
au Simalungun sampur Toba
tubuh tanggal dua bulan tolu tahun pitu pitu
marumur ma nuan dua pulu pitu tahun
tapi lalap lang laku halani sombuhku
taun pitu waluh manriah ma bapak pakon omak mambahen goranku
lanjar ipatappei pandita in ma tangani bai simanjujungku
igoranma goran naipadear ni bapak pakon mamak
hudidi ma ham :
Jon Marperepere Sakitman Parahdo Sipukkah Nalututartawa ganup sagala namarminggu
halani goranku ianggap lucu.. hehehe...hah...
oppat saninaku, dua botouhu, pitu hanami haganupan
buei pe hanami sedo halani mamak anti KB
sedo halani lang mandukung program pemerintah
tapi dong do prinsip ni mamak pakon bapak
habayakon do in nini sidea anggo buei niombah
taun lapan dua ipasikolahkon bapak pakon mamak ma au
i SD Inpres Marubun Siboras, Kecamatan Rayakahean Kabupaten Simalungun
tapi pendidikanku soh singgan kalas 4 SD dassa
halani ipecat kepsek kasus mambokbok guru matematika
omak tangis-tangis, bapak marah-marah
hayu soban gabe jatah.. kacian de lo..hehehe
dob honsi dong pangakuanku bai mamak pakon bapak lang bakku be marsikolah,
bapak pe langsung mambere podah :
"Anggo sonai bapa, latih-latih magelah suaramu ase landur, halani Simalungun sonari butuh suara na landur"sa bait dua bait, hupatumpu hata na jenges
huciptahon lagu simalungun in irik hudodingkon
marhiteihon in taridah do goranku pakon bohiku bai kaset simalungun
mangidah in bapak tartawa bangga irik marsahap :
"bagus..Jon Marperepere Sakitman Parahdo Sipukkah Nalutu, hahaha, imbang ni naima ijia mapasku mangidah ho bapa halani takkang mu, hape sonari ibotohko do pamalum-malum goranmu janah pamalum-malum uhurhu, ai nani ambia anak ni bapak ma tongonko ..bagus..bagus.. hahahah"iagan omak ma au jolma na sonang
iagan bapak lang dong bakku be nahurang
hape untuk sigaretku pe gatian do au marutang
sattabi bai nasiam ganup namangar dodingkon, memang sengaja do dodingkon hudodingkon songon dodingni napodoan
tapi ulang pala nasiam salah sangka janah curiga seng na dihut au podoan
sahali nari huhatahon Au Sedo Napodoan
dua hali nari huhatahon Au Sedo Napodoan
lain hata huria, lain hata humor
olat ni ijon ma hudodingkon dodingkon
anggo rekaman au sahali nari ijai pe holi hutoruskon
sahei ma lobei loging
boras sabur-saburan
sae ma lobei doding
horas hita ganupan
:)
0 comments:
Post a Comment