Kena Batuna

la sekali dua kali aku putus cinta
sirang ras ate ngena enggo kuakap biasa
sebulan dua bulan jumpa sambar gantina
mis ku lupaken cinta lama
tapi sekali enda kena kuakap batuna
sirang ras nande Karona la tanggung sakitna
ise pe ban sambarna lanai kuakap gunana
adi la radumken ia
nde Karo, lanai bo kusura
ndarami sambar ganti kena
mbiar aku lanai bo lit jumpa
sibagi kena metamina
sada nari ngenca tambarna
mulihi lah kita ersada
alokenndu mama tiganna
amin gia pusuhndu lupa denga
adi lit kin salah ngaku aku salah
nande Karo mama tiganndu robah
janji aku janji aku kena kusayangi
jenda nari kupudi wari

Jhon Pradep Tarigan - Kena Batuna